Vestri á þrjá fulltrúa í æfingahópum yngri landsliða í körfubolta sem koma saman á milli jóla og nýjárs. Bræðurnir Hilmir og Hugi Hallgrímssynir eru í æfingahópi U18 drengja og Gréta Proppé Hjaltadóttir er í æfingahópi U16 stúlkna.

Síðastliðinn föstudag tók Vestri á móti Snæfelli í 1. deild karla í körfubolta. Leiknum lauk með öruggum sigri Vestra 96-77. Næsta verkefni er bikarleikur í 16 liða úrslitum gegn úrvalsdeildarliði Fjölnis fimmtudaginn kemur.